Ilo lagu kalsoon yahay ayaa waxaay inoo soo xaqiijiyeen   in meydadka tiro badan oo kamid ah Ciidanka Itoobiya ay xooran yihiin wali goobihii shalay lagu dilay ee deegaanada ku dhaw Qubuuraha Barakaat halkaasi oo dagaalkii ka dhacay faraha la iskula tagay.

Tiro ka badan 4 askari oo meydad ah ayaa yaalla goobahaasi kuwaasi oo aysan u suuragalin ciidanki Itoobiyaanka ee halkaasi lagu jabiyay in ay qaataan isla markaana aysan dib ugu soo laaban.

Laakin wararku waxaa ay sheegayaan in meydadkaasi uu shiish saaran yahay si ay kaga hortagaan in shacabku soo qaado wadooyinka waaweyna lagu jiido sidii kal hore dadku ay mar waliba ku dhaqaaqi jireen.

Wararka aanu helnay waxaa ay intaasi ku darayaan in xoogag ka tirsan Wax iska caabinta ay sidoo kale meydadkooda yaallaan meelo aan ka fogeyn halka ay yaallaan meydadka Itoobiyaanka,kuwaasi oo aysan suuragalin wali in laga soo qaado goobahaasi.

Ilo lagu kalsoon yahay ayaa inoo xaqiijiyay in 2 kamid ah xoogaga ay ku dhaw yihiin meydadka askar kale oo Itoobiyaan ah taasi oo qasab ka dhigtay in laso qaadi waayo maadaama ay ciidanka Itoobiya iyo xoogagaba si toos ah u wada ilaalsanayaan meydadkasi.

Dagaal Cusub oo eey ka Qeeyb qaadanayaan Ciidamo Cusub oo Itoobiyaan ah iyo kuwa Dowlada KMg ayaa dhowaan ka qarxay Degmada Huriwaa ee Magaalada Muqdisho.

Dagaal aad u xoogan oo eey ka qeeyb qaadanayaan Taangiyada iyo Madaafiicda BM ka ayaa ka soconaya Xaafadaha Sos iyo waxara Cade ee Degmada Huriwaa dagaalka markii hore ka qarxay agagaarka SOS ayaa ku fiday xaafado hor leh.