Goor dhoweyd oo duhurnimadii maanta ah ayaa ciidamo fara badan oo Itoobiyaan ah waxay soo gaareen degmada Caabudwaaq ee gobolka Galgaduud sida ay sheegayaan warar hadda naga soo gaaray degmadaas oo ku soo dhacay warqabadka boggan ee magaalada Muqdisho.
Dad ku sugan degmada Caabudwaaq ayaa sheegay iney arkeen boqolaal ka tirsan ciidamada Itoobiya oo degmada dhexmaray iyagoo wata gaadiidka loo Uralka ee lagu daad gureeyo ciidamada, gaadiidka kale oo gaashaaman iyo dayuurado dagaal oo noocooda lagu sheegay kuwa qumaatiga u kaca ee loo Helicobterada.
“Ciidamada Itoobiya wey dhexmareen degmada Caabudwaaq dayuurado iyo gaadiid gaashaanam io hub kale oo culus ayey wateen waxayna u gudbeen dhinaca degmada Guriceel ee gobolka Galgaduud ujeedkoodana lama oga” sidaa waxaa yiri mid ka mid ah dadka degan degmnada Caabudwaaq ee la hadlayey warqabadka bogan, waxaana sidoo kale warkan laga sii daayey qaar ka mid ah warbaahinta Muqdisho.
Ilaa hada ma jiraan warar kale oo ka so baxaya arintaas hase ahaatee arintan ayaa ku soo aadeysa xili maalintii shalay midowga afrika uu sheegay in ciidamo itoobiyaan ah ay mar kale soo geli doonaan dalka soomaaliyasi ay ula dagaalamaan xarakada Al-shabaab
Haddii ay wax warar ah ka soo kordhaan warkaas kala soco boggan saacadaha soo socda insha allaah
