Wararka naga soo gaaraya Magaalada Gabre Zeyd oo 45 -Km u jirta caasimada  Addis-Ababa ee dalka Ethiopia magaaladaas oo uu ku yaalo garoonka Ciidamada Cirka ugu weyn ee dalkaasi,  ayaa sheegaya inuu siminaar uga furmay in ka badan 30 xubnood oo isugu jira wasiiro, wasiiro kuxigeeno iyo saraakiil ka tirsan Maleeshiyaadka Kooxda Imbagati

Xubnahan ka tirsan Kooxda Imbagati ayaa maalmo ka hor diyaarad qaas ahi ka qaaday Magaalada Muqdisho, iyagoo tababarkooda la xiriiro arrimaha maamulka, is dhaxgalka iyo barashada luqadaha Tirgeera & Amxaariga, sida ay sheegayaan dad xog ogaal ah. Siminaarkan waxaa si gaar ah u soo qaban qaabisay Wasaarada Arrimaha Dibada Dalka Ethiopia, waxaana furitaanka siminaarkaas hadalo ka jeediyay Wasiirka Arrimaha Dibada Ethiopia Seyoum Mesfin. Furitaankii Siminaarkan oo ka hadlay Wasiirka Arrimaha Dibadda Ethiopia ayaa waxaa uu ku eedeeyay Beesha Caalamka in ay ka gaabiyeen kaalmadii ay siin lahaayeen Dowladda Soomaaliya.

"Adduunyada anaga ayay nagu eegaysaa Soomaaliya waana nasiib daro aad u weyn ayuu raaciyay Wasiirka Arrimaha Dibadda Itoobiya"ayuu yiri Seyoum Mesfin., waxaana Magaaladaas xarun ay u tahay Ciidamada Cirka Dalka Ethiopia, qabsoomida Siminaarkan gacan weyn ka geystay Ciidamada.  Ujeedada loo qabtay Siminaarkan ayaa waxay tahay in xubnahaas ka tirsan Dowladda Federaalka la baro Maamulka, Maareynta iyo horumarinta Ganacsiga, iyo luqadaha Tigreega & Amxaariga  sida ay sheegayan diblomaasiyiin ka tirsan Kooxda Imbagati.Wararka ayaa sheegaya in Siminaarkan uu socon doono ku dhawaad 15 Maalmood ah, sida uu ku caddeeyay furitaankii Siminaarka Wasiirka Arrimaha Dibadda Ethiopia.

Dalka Soomaaliya ayaa waxaa ka jooga Ciidamo Ethiopia,kuwaaso gacan siinaya kooxda uu madaxa ka yahay Hogaamiye Kooxeedka Col. C/laahi Yuusuf, ciidamadaasi ayaa mudadii ay joogeen waxaa la kulmeen iska cabin xoog badan Xoogaga kacdoonka Soomaaliyeed