Isbitaallada ugu waaweyn magaalada Muqdisho ayaa waxaa la gaarsiiyay tan iyo xalay dhaawacyadii ugu badnaa ee maalmahani lagu arko Magaalada Muqdisho.
Dhaawacyada qaarkood sida ay dhaqaatiirta u xaqiijiyeen GOOBJOOG waxaa lagu soo waramayaa in ay ku geeriyoodeen gudaha isbitalka, waxaana illaa iyo iminka la xaqiijiyay geerida illaa 6-qof oo ah kuwii shalay kusoo dhaawacmay Suuqa Bakaaraha oo Madaafiic ay ku garaaceen Ciidamada Itoobiyaanka.

Lama hayo weli tirada dhabta ah ee dhaawacyadii shalay lakin isbitaallada ayaa waxaa lagu arkayaa mashquul aad u fara badan kuwaasi oo la tacaalaya Dhaawacyada lasoo gaarsiiyay.

Dhinaca kale Ganacsatada Gobolka Banaadir ayaa waxa ay beeniyeen in Hoobiyeyashii shalay lagu garaacay Madaxtooyada xilliga uu kusugnaa Mosfin in aanan laga soo tuurin Suuqa Bakaaraha lakin dowladda ay tahay waxa ay u bartilaameedsaneyso Suuqaasi ujeedooyin gaar ah.

Waxay ku eedeeyeen in goobaha TFG-da laga soo tuuray Madaafiicda lagu garaacay Suuqa Bakaaraha ee ay ku xasuuqmeen dadkani aadka u faraha badan.

Majirto sida caadada u ah cid katirsan TFJ-da oo ka hadashay arrintani taasi oo muujineysa sida ay iskugu raacsan yihiin Itoobiyaanka iyo TFG-da xasuuqa loo geysanayo Shacabka Soomaaliyeed