Macalin Soomaaliyeed oo wax ka dhiga iskuul ku-yaal Gobolka Kansas-City ayaa lagu eedeeyay inuu fara-xumeyn u geystay labo wiil oo dhalinyaro ah,kadib markii uu qamri ka dharjiyay,iyagoo daroogeysana uu fuulay.

 Wargeyska Kansas-City oo soo daabacay dhacdadan ayaa sheegay in macalinka Soomaaliyeed oo lagu magacaabo Maxamed Diirshe uu ku marti-qaaday gurigiisa labo wiil oo ardaydiisa ka mid ah,waxaana lagu eedeeyay inuu ku kacay galmo sharci-darro ah.

Booliiska magaalada Leaven-worth ee Gobolka Kansas ayaa sheegay inay maxkamad soo taagayaan macalinkan Soomaaliyeed,maadaama uu fuulay,dhalinyaro da,dooda lagu sheegay 16-jir,uu ka dharjiyay qamri,kadibna inta ay suux-sanaayeen uu kula kacay galmo sharci-darro-ah.

Soomaalida ku dhaqan Gobolka Kansas ayaa arintan la yaab ku noqotay iyo macalimiintii ay wada shaqeyn-jireen, ninkan Soomaaliga ah,waxayna ku tilmaameen arin aad u foolxun kana baxsan dhaqanka iyo caadada lagu yaqaan ragga Soomaaliyeed,sidaas daraadeed ninkan waxaa looga shakisan-yahay inuu yahay Eritariyan ama Itoobiyaan isku dhiibay inuu yahay Soomaali.

Muuqaalka Ninkan ayey Soomaalida Mareykanka ku dhaqan qaasatan Gobolka Kansas ku sheegeen inuu u muuqaal eg-yahay Itoobiyaan ama Eritariyan,waxaana nasiib-darro dhacday marar fara badan in dadka ka yimaada qaarada Afrika,ay isku dhiibaan magaca Soomaali,dembi markii ay galaana magac xumada uu raaco Qowmiyada Soomaali.

Warkan oo faah-faahsan ka akhriso halkan asoo af-english ah:
http://www.kansascity.com/news.html