Xoogagga xaq u dirirka Soomaaliyeed ayaa hub iyo lacago ka furtay maleeshiyo Mbgathi ah oo joogay bar koontarool oo ku taala deegaanka caliyaale oo duleedka kaga yaal magaalada Muqdisho.

Xaq u dirirka ayaa shalay gelinkii dambe halkaas ku qaaday weerar qorsheysan, waxa ayna la wareegeen guud ahaan goobta, iyagoo dilay seddex kamid ah maleeshiyada Mbagathi deetana halkaas ku furtay hub iyo lacago.

Wararku waxa ay sheegayaan in khasaaraha la gaariiyey maleeshiyada Mbagathi uu intaa ka badan yahay markii weerarka lagu qaadayna ay ku furxadeen dhulka howdka ah ee ku yaala deegaankaas.

Afhayeen u hadlay xaq u dirirka ayaa sheegay in ay weerarkaas kula wareegeen hub fara badan oo ay ka carareen maleeshiyada Mbaagthi iyo lacago, isagoo intaa raaciyey in weerarkaas iyo kuwii ka dhacay ee lagu qaday xarumaha warshadda Baastada iyo Xeyla-bariise ay iyaga ka damabeeyeen.

Xaq u dirirka Soomaaliyeed ayaa maalmihii u dambeeyey weeraro qorsheysan waxa ay ku qaadayeen jagboontiyadaay maleeshiyada Mbagathi dadka kaga qaadaan lacagaha baadda ah halkaas oo ay hub iyo agabo kala kaga furteen.