Warar ka imaanaya magaalada Baydhabo ee gobalka Baay ayaa sheegaya in madaxweynaha Soomaaliya C/laahi Yuusuf Axmed uu cafis u fidiyay gudoomiyihii Maxkamada sare Yuusuf Cali Haaruun iyo garsoore Maxamed Nuur shegow oo in muda ah xirnaa.

Maalmihii ugu dambeeyay ayaa waxaa soconaaya in qaar kamid ah xildhibaanada baarlaamnaka ay u uloleenayaan sidii loo sii deyn lahaa mas`uuliyiintaasi Sikastaba ha ahaatee waxaa lafilayaa in madaxwaynaha ay kasoo baxdo Degreetada lagu sii daayay Yuusuf Cali Haaruun sida ay kuwarmeen xildhibaano ka tirsan baarlamaanka.

Labadan Mas`uul ayaa waxaa lagu eedeeyay in ey takri fal kusameeyeen hanti qaran iyo qayaano qaran, waxaana horay xeer ilaaliyaha qaranka ugu eedeeyay Yuusuf Cali Haaruun in uu waday talaabooyin uu Waqooyi iyo Koonfurt Somaliya ku kala goynayo.

Sikastaba ha ahaatee warkan ayaa waxaa noo xaqiijiyay qaar kamid ah xildhibaanada baarlamaanka soomaliya iyadoo aan idiin ballan qaadi dooni in aan idiin soo gudbin doono wixii kusoo kordhaa arrimahan