Qiso cajaa`ib iyo amakaag ku abuurtay shacabka reer Ausralia ayaa baryahan danbe ka taagneyd dalkaasi kadib markii ey soo hor fariisteen taleefishinka dalkaasi ugu weyn Aabe iyo gabadhi uu dhalay oo caruur isu dhalay islamarkaana isqaba gurina ku wada nool.

Aabaha John Deaves (61-jir) ayaa sheegay in eysan is arkin inantiisa Jenny (39-jir) mudo 30-sano, wuxuuna intaa raaciyay in ey hooyadeed kala tageen iyadoo 1-sano jirta sidaas daraadeedna eysan dib isu arkin 30-sano kadib.

Jenny (gabadha) ayaa sheegtay in Aabeheed raadisay markii ey sodon jirsatay, waxeyna sheegtay markii ey aragtay in ey ka heshay oo ey u aragtay nin iyada geeya oo uu aabeheed u qalmin.

Aabaha iyo gabadhiisa ayaa iminka isu dhalay gabar yar oo 9-bilood jirta, waxaana horay uga dhicisoobay sida ey sheegeen cunug kale oo ey sugayeen sanadkii 2001.
Arintan ayaa waxaa aad u hadal haya dadka reer Australia, waxeyna ku tilmaameen arin laga yaq-yaqsooda oo aad u fool xun islamarkaana dhaawac weyn u geysan karta cuuga ey dhaleen oo wy ku tilmaameen mustaqbalkiisa mid ka-kac ah.

Mar wax laga weydiidaa barnaamijka tv-ga Ausratalia ka bada ee (60-minutes) sida ey u arkaan xiriikooda ayaa waxaa uu aabaha ku jawaabay in uu yahay mid fantastic ah uuna aad ugu faraxsan yahay in ey isqabaan.

Jenny ayaa iyana dhinaceeda ku tilmaantay xiriirka kala dhexeeya aabeheed mid ey ku faraxsantahay, waxeyna tiri "Markii ugu horeysay ee aan isha ku dhiftay waxaan is iri "ma xuma duqa", waana soconayaa waa sida nin aad night-Club ku kulanteen oo kale", ayey u sheegtay joornaalka National Nine News.

Xaaskii ey horay u kala tageen Aabaha inantiisa guursaday ayaa sheegtay in ey been ka sheegayaan xilligii ugu horeeyay ee ey is arkeen, waxeyna intaa raacisay in markii ugu horeysay ee uu inantiisa arko aabaha ey aheyd iyadoo 15-jir ah oo ey guriga ugu timid, wixii intaa ka dibna ey isla dhuu-dhuuman jireen hadba meel seexanayeen.

Qisada ugu cajaa`ibka badan ayaa waxa ey tahay in gabadha yar oo ey dhaleen aabaha iyo inantiisa uu sidoo kale aabaha awoowe u yahay gabadha yar.

Si kastaba ha ahaatee arinkan ayaa waxaa baaris u galay boliska, waxaana dhakhaatiirka qaar (Psykologist) sheegeen in in cunuga ey isu dhaleen uu mustaqbalka la kulmi doono rafaad iyo niyadjab iyo buufis ku dhaca, waxeyna taas sabab uga dhigeen dadka oo dacaayadeyn doona.