Xoogaga hubeysan ee kasoo horjeeda joogitaanka ciidamada shisheeye ee dalka iyo siyaasadda dawladda Federaalka ayaa galabta qorrax dhacii waxaa ay weerar culus ku qaadeen fariisimaha ay cidamada AMISOM ay ku leeyihiin Isgoyska KM4 ee magaalada Muqdisho.

Weerarkaasi oo ahaa mid aad u xoog badan ayaa la sheegay in la isku adeegsaday hubka nuucyadiisa kala duwan iyadoona aad loo maqlayay daryanka madaafiicda la is dhaafsanayay.

Xoogaga hubeysan ayaa waxaa wararku ay sheegayaan in ay madaafiic si ba'an ula dhaceen xarumaha ciidamada AMISOM laakin si rasmi ah looma sheegi karayo khasaaraha halkaasi ka dhashay ilaa iyo iminka.

Waxa jirta dad rayid ah oo waxyeelo ba'an uu kasoo gaaray dagaalkii galabta kuwaasi oo qaarkood haatan loola cararay Cusbitaalada halka kuwa kalena wali laga soo qaadayo goobihii rasaastu ay ugu tagtay.

Halkan ka Dhageso

Afhayeenka Ciidamada AMISOM Bahuko ayaa qiray in weerar lagu soo qaaday askartooda isagoona sheegay in wax khasaare ah uusan gaarin laakin waxaa uu ka gaabsaday faah faahin dheeraad ah oo uu bixiyo.