War hada na soo gaaray ayaa sheegaya in ciidamo ka tirsan ciidamada Dowladda ay ka soo goosteen Dowladda Fedaraalka KMG ah, kuwaas oo u soo goostay dhanka Kooxaha ka soo horjeeda Dowaldda.

Dad goobjoogayaal ah oo la soo xiriiray Shabakadda Soomaalinews.com ayaa waxaa ay u sheegeen in ay indhahooda ku arkeen gaari nooca dagaalka ah oo ay saaran yihiin rag wata dareeska Ciidamada Dowladda.

Dadka ayaa intaa ku daray in ciidamada ay soo galeen qeyb ka mid ah Suuqa Bakaaraha iyaga iyo rag kale oo goobta ku sugayay ayaa waxa ay ku qeylinayeen kalamadahan “Allaahu Akbar Allaahu Akbar”.

Gaarigan oo ahaa nooca loo yaqaan Cabdi bilaha oo uu saaran yahay qoriga loo yaqaan Dhashiikaha ayaa ka soo goostay Dowladda KMG ah, mana ahan markii ugu horreysay oo ciidamo ka tirsanaa Dowladda ay ka soo goostaan.

Sidoo kale ma jiraan Mas’uuliyiin ka tirsan labada dhinac oo cadeysay goosashada gaarigan Cabdi bilaha ah.