Gudoomiyaha Gobolka Banaadir ahna duqa magaalada Muqdisho Max'ed Cumar Xabeeb Max'ed Dheere ayaa si kulul kaga jawaabay hadal shalay kasoo baxay R/Wasaare kuxigeenka ahna wasiirka warfaafinta Axmed C/Salaam kaasi oo ku aadanaa in gole deegaan oo dadku soo doortaan loo sameynayo gobolka Banaadir.

Gudoomiye Max'ed Dheere waxa uu sheegay in Axmed C/salaam uusan ka hadli karin arrimaha gobolka Banaadir,ayna tahay hadii uu wax maamul u sameynayo in uu aado magaalada Dhuusa Mareeb oo dadkiisa ay dagaan sida uu yiri.

''Maamulka dawladda waa Federaal,Axmed C/salaam isaga kuma shaqo laha waxa laga sameynayo gobolka Banaadir,ee yuusan halkaan ku laab laabanine haka soo dhiso maamul magaalada Dhuusa Mareeb''ayuu yiri Max'ed Dheere.

R//Wasare kuxigeenku waxaa uu shalay ka dhawaajiyay in ay jiraan qorsho cusub oo gole deegaan logu dhisayo gobolka Banaadir kaasi oo si xor ah dadku kuso doortaan,si looga gudbo eedeymo badan oo laga tabanayo maamulka Max'ed Dheere.