Inta la ogyahayahay 6 qof ayaa ku dhimatay 32 kalana waa ay ku dhaawacantay qaraxyo kala duwan oo xalay ka dhacay magaalada Garissa ee xarunta gobolka Waqooyi Bari.
Saraakiisha caafimaadka ee isbataalka guud ee madaalada Garissa ayaa Idacada Starfm u xaqiijiyay in isbataalka la soo gaarsiiyay 6 qof oo mayd ah iyo 4 qof oo dhaawacyo qaba.
Qaraxyadan ayaa waxaa ay ka kala dhaceen bartamaha magaalada Garissa gaar ahaan Townka iyo xaafada Ingaamiya.
Sidoo kale qaraxa qasaaraha badan gaystay ayaa waxaa uu ka dhacay hotel ku yaala bartamaha magaalada.
Saraakiisha booliska ayaa sheegtay in baaritaanada qaraxyadan ay wali socdaan
Dhacdadaan ayaa imanaysa iyada oo maalintii shalay ahayd qarax miino lagula eegtay gaari ay iska lahaayeen militiriga dalka degmada Mandera halkaas oo uu hal askari ku geeriyooday 10 kalana ay ku dhaawacmatay.
Ma jirto ilaa iyo imika cid sheegtay masuuliyada weeraradi hasa yeeshee waxa la tuhunsanyahay in ay ka danbeeyaan xarakada Alshabab ee ka dagaalanta dalka Soomaaliya oo horaan ku hanjabay in ay weeraro aargoosi ah ku qaadi doonaan dalka Kenya.
Tan iyo intii ay ciidamada dalkan Kenya gudaha u galeen dalka Soomaaliya ayaa waxaa sii kordhayay falalka amniga ka baxsan ee ka dhacaya goobo ka mid ah gobolka Waqooyi Iydoo laamaha amaanka mar hore heegan sare la galiyay .
(Posted by Web Marketing Atlanta, May 4, 2012, 9:03 PM)