Xarakada Alshabaab ayaa shaacisay in ay soo dhawaynayaan soo gelitaanka gudaha Soomaaliya Ciidamada Itoobiya, iyagoo dhinaca kalena sheegay Ciidamada Kenya ee soo galay Soomaaliya dhankooda ku fashilmeen dagaalada ayna kala garan layihiin in ay dagaalada dib uga baxaan.
Sheekh C/casiis abuu Muscab oo ah Afhayeenka dhanka Howlgalada Xarakada Alshabaab ayaa sheegay ugu horayntii in ay soo dhawaynayaan soo gelitaanka ciidamada Itoobiya, waxa uuna ku macneeyey mid ay ajar badan ku helayaan la dagaalanka ciidamadaasi.
Soo gelitaanka Ciidamada Itoobiya waxay noo sii kordhinayaan Ajarkii waanu soo dhawaynaynaa ayuu yiri Sheekh C/casiis Abu Muscab oo dhinac kalena ugu baaqay Mujaahdiinta Alshabaab in ay u diyaar garoobaan la dagaalanka ciidamada Itoobiya si ajarka loo xoojiyo.
Ugu danbeyntii hadalkan ka soo baxay Sheekh C/casiis Abuu Muscab ayaa ku soo beegmaya xili Cutubyo ka tirsan Ciidamada Itoobiya soo galeen deegaano ka tirsan gobolada Galgaduud iyo Hiiraan ee Bartamaha Soomaaliya.
