Qarax xooggan ayaa lala beegsaday ciidamo Itoobiyaan ah oo saaka marayey wadada Maka Al-mukarama

Qarax xooggan ayaa lala beegsaday ciidamo Itoobiyaan ah oo saaka marayey wadada Maka Al-mukarama ee magaalada Muqdisho.

Qaraxa oo ahaa miino nuuca dhulka lagu aaso ayaa lala beegsaday ciidamada Itoobiya xilli ay dhaqdhaqaaq ciidan ka wadeen wadada Maka Al-mukarama ee magaalada Muqdisho.

Daryanka qaraxa oo aha mid xooggan ayaa si weyn waxaa looga maqlayey qeybo kamid ah degmooyinka magaalada Muqdisho, waxaana qaraxa kadib ciidamada Itoobiya ay xireen wadada.
 
Dadka deegaanka ayaa ku waramay in uu jiro khasaare ciidamada Itoobiya qaraxa ka soo gaaray, iyagoo intaa raaciyey in qaraxa ay ciidamada Itoobiya askar kaga waxyeeloobeen.

Lama sheegin dad rayid ah oo wax ku noqday qaraxa, hase ahaatee ciidamada Itoobiya ayaa qaraxa kadib la sheegay inat fureen tacshiirad aan illaa iyo hadda la sheegin cid ku waxyeeloowday.

Qaraxyada lala bartilmaameedsado ciidamada Itoobiya ayaa badanaa ka dhaca magaalada Muqdisho, iyadoo qaraxyada kadib ay ciidamada Itoobiya dilaan dadka rayidka ah ee ka dhow halka lagu qarxiyo.