Xildhibaan Barre Hiiraale iyo Maleeshiyo uu wato oo ka gudbay deegaanka Xayyi kuna sii jeeday gobolka Gedo. "Dhageyso"

Xildhibaan Barre Aadan Shire Hiiraale oo isaga iyo maleeshiyada beeshiisa ay kasoo cayriyeen Kismaayo xoogaga Al-Shabaab ayaa lagu soo waramayaa in uu ka gudbay dhanka deegaanka Xayyi ee u dhexeeya Quuqani iyo Afmadow isagoo kusii jeeda gobolkaasi Gedo.

Barre Hiiraale iyo maleeshiyadiisa ayaa dagaal xoogan ku qabsaday deegaanka xayyi maanta duhurkii waxaana aad u adag in faah faahin dheeraad ah laga helo dagaalkaasi iyo waxyeeladii uu geystay.

Dhageeyso

Maleeshiyada Barre Hiiraale ayaa kusoo jeeda gobolkaasi Gedo halkaasi oo laga yaabo in ay kasi sameeyaan abaabulo dagaal oo ay isugu dayayan in ay dib ugu soo ceshadaan gacan ku heynta Kismaayo.

Xaaladda magaalada Kismaayo ayaa deganeyd maanta iyadoona dadka ku dhaqan magaaladaasi siyaaba kala duwan ay u arkayeen xoogaga Islaamiyiinta ee la wareegay magaaladaasi.