Faroole oo lagu bahdiley shirkii Istanbul (Warbixin xasaasi ah)

Istanbul, Turkey (SF) – Waxaa waayahan socdey shir looga hadlayay arimo fara-badan, shirkan oo ka socdey magaalda Istabul ee dalka Turkey ayaa waxa daah-furey Rajab Deyib Erdugan oo isagu ah Raisal-wasaaraha Turkiga

Shirkan ayaa lagu casumey madax ka-kala socotey Europe Africa Asia America iyo Austerlia, waxaa sidoo kale shirkan lagu casumey haydaha caalamiga ee ( Intergovernmental institution iyo Non-governmental Institution NGOS ) waxaa sidoo kale lagu casumey shirkado waa weyn iyo Tujaar caan ka ah dunida, hadaba shirkan waxa lagu casumey maamul gobaleedka Puntland iyadoo shirkan loo qoondeeyay 5,boos amase kursi waxana shirkaas laga sugayay wasiirka Arimaha Gudaha mudane Cabulaahi ilkajiir iyo Khaliif Ciise Mudan. waxaase mar qura laga war-helay in madaxweyne Faroole shirkaas iman doono iyadoo ey ka yaabisey maadama dadkii la rabey iney-shirkan ka qeyb galaan sida Ilkajiir laga masaxey liiskii oo lagu badaley wiil uu dhaley Faroole oo magciisa lagu sheegey Maxamed Faroole.

Hadaba dowlada Turkiga ayaa ka carootey arintan waxana ey si-toos ah uu-la xiriirtey maamulka Puntland gaar-ahaan madaxweyne Faroole isagoo ku sugan magaalada Dubai, wada-hadal dheer kadib dowlada Turkiga iyadoo aan qanacsaneyn ayay Madaxweyne Faroole u ogalaatey inuu ka qeyb-galo shirka balse uusan ku lahaan doonin muxaadaro amase ( Lecture ) waxaa sidoo kale loo sheegey inuu fariisan doono kuraasta dambe isagoo ka caroodey arinkaa General Ilkajiir ayaan ka qeyb-galin shirkaas balse waxaa soo baxaya in General Ilkajiir arintan ay saameysay waxana dhici karta inuu is-casilo. ceebta labaad ee ku dhacdey Faroole waxa ey aheyd markuu damcey inuu si khaas ah ( Private ) uu-la hadlo Raisal-Wasaare Rajab Deyib Erdugan ayaa loo sheegay inuusan arki doonin maadama uusan aheyn nin madaxweyne ama Raisal-wasaare isla markaana aan ku iman dalka Turkiga booqsho dowladeed.

Fadeexadii u dambeysay waxa ey dhacdey saakey kadib markii qoyska Faroole damceen iney qado u sameeyaan qeyb kamid ah madaxdii ka qeyb gashey shirka sida Ban-Kii Moon iyo xubno ey kamid ahaayeen Faarax Maclin Prof Juurile iyo rag kale dhamaan waxa ey baxsheen cudur-daar hadaba wiilka Faroole Maxamed Cabdirxmaan ayaa ku qeybshey madasha shirka ( Personal-Cards) taasoo ey ka yaabisey dadkii waxana uu jabshey Protocol shirka iyadoo ey ilaalada shirka ey isku dayeen iney dibada u saaraan wiilka Faroole balse markii dambe ey maslaxeen Soomaalidii shirka timi guddiga qaban-qaabada fadeexadan ayaa imaaneysa xili Faroole iyo qoyskiisu ey Photoshop ka dhigteen shirarka caalamiga.