WAR DEG DEG AH: Ciidamada Xarakada Shabaabul Mujaahidiin oo Goordhaw Dagaallo kula wareegay Maanabooliyon,Nasiib buundo iyo deegaano kale oo ay ciidanka Dowlada KMG ah joogeen

Dagaalo u dhaxeeya Ciidamada Dowladda iyo Xarakada Alshabaab ayaa saaka ka soconaya degmada Shibis ee Magaalada, iyadoo dagaaladaas ay sababeen dhimasho iyo dhaawac.

Sida ay sheegayaan wararka dagaaladan ayaa qarxay abaarihii 5-tii subaxnimo, xilligaasoo Shabaab weeraro kula soo hiireysteen fariisimaha Ciidamada Dowladda ay kaga sugnaayeen halkaas.

Wararka qaar ayaa sheegaya in Shabaab ay la wareegeen dhufeysyo ay degmadaas kaga jireen Ciidamada Dowladda, markii ay isaga soo baxeen Ciidamada.

Dadkii ku dhaqnaa Degmooyinka Boondheere iyo qeybo ka mid ah Shibis ayaa saaka bilaabay barakac xoogan, waxaana dadka ka cabsi qabaan in saameyn ay ku yeelato dagaalada oo mararka qaar bar bar socdaan duqeymo culus.

Wararkii ugu dambeeyay ayaa sheegaya in Shabaab ay soo gaareen goobo horay u joogeen Ciidamada Dowladda, sida agagaarka Isgoyska Maanabooliyo.

Ilaa afar ruux oo rayid ah ayaa la xaqiijiyay in dhaawac soo gaareen, kadib markii ay haleeshay rasaasta wiiftada oo ku dhacday xilli ay ka cararayeen xaafadahooda oo dagaalada ku soo dhowaadeen.

Wixii ku soo kordha kala soco wararkeena dambe