Ergayga Qaramada Midowbay uqaabilsan Soomaaliya Mujrim Mahiga oo diiday go’aankii Farmaajo.

Ergayga Qaramada Midowbay uqaabilsan Soomaaliya Mahiga ayaa war uu ka soo saaray magaalada Nayrobi, wuxuu wax laga xumaado ku sheegay hadalkii dawladda KMG ah ee Soomaaliya, gaar ahaana Farmaajo ee ku aadanaa in ay 90 maalmood gudahood ku soo dagaan magaalada Muqdisho.

Mahiga ayaa sheegay in aysan marnaba suuragal aheyn in ay Qaramada Midowbay xaafiisyo ka furato meelaha yar ee ay gacanta ku hayso dawladda KMG ah, wuxuuna sheegay in aysan saacadna dawladda KMG ah damaanad qaadi karin amaanka Shaqaalaha Qaramada Midowbay.

Sarkaalkan wuxuu sheegay in ay og yihiin xaaladaha Muqdisho, wuxuuna ku sifeeyey Muqdisho meel ay badankeeda heystaan dagaalyahano udiyaarsan in ay la dagaalamaan Qaramad Midowbay, markaasna yoolkoodu yahay in ay burburiyaan dhamaanba Ururada caalamiga ah, isagoo ula jeeday Xarakada Shabaabul Mujaahidiin.

Farmaajo ayuu ku sifeeyey nin aan waxba kala ogeyn, wuxuuna sheegay in ay hadeer ilaalo ka hayaan ciidamo ka socda Qaramada Midowbay, oo ula jeeday AMISOM, wuxuuna tilmaamay in ay saacad kasta la socdaan dhaqdhaqaaqyada Soomaaliya, gaar ahaana wuxuu sheegay in ay tagaan Soomaaliya, iyadoo ay ilaalo ka hayaan ciidamo gaar ah iyo kuwa AMISOM, oo uu sheegay in ay dhaqaalahooda bixiso beesha Caalamku.