Madaafiic lagu garaacayo warshadda Baastada iyo Xeyla-bariise iyo ciidamada Itoobiya oo bixinaya madaafici jawaab ah.
War goordhow naga soo gaaray degmada Hurwaa ayaa sheegaya in tiro madaafiic ah lagu duqeeyey xarumaha warshadda Baastada iyo Xeyla Bariise oo ay fariisimo ciidan ku leeyihiin ciidamo Itoobiyaan ah iyo ciidamada dowladda KMG ah.
Wararka ayaa sheegaya in madaafiic fara badan ay ku hoobteen xarumahaas kuwaas oo ay soo ridayaan xoogagga hubeysan ee dagaalka kula jira ciidamada Itoobiya.
Warar hadda na soo gaaraya ayaa sheegaya in ciidamada Itoobiya ay bixinayaan jawaab madaafiic ah kuwaas oo ay ku ridayaan deegaanada ay ku dhaqan yihiin dadka rayidka ah sida ay wararka nagu soo gaarayaan.
Ma cadda ilaa iyo hadda khasaaraha ka dhashay madaafiicda, waxaana weli la maqlayaa daryanka madaafiic jawaab ah oo ay ciidamada Itoobiya ku duqeynayaan deegaanada ay dadka shacabka ah ku dhaqan yihiin.
Wixii ka soo kordha kala soco wararkeena dambe Insha'alaah.
del.icio.us |
Digg
Comments (0 posted):
Post your comment