Iyadoo Dagaalada Muqdisho ay sii kululaanayaa marba marka kasii dambaysa, ayaa Dagaalkii ugu qaraaraa oo saakay dib uga qarxay Magaalada waxa uu ku fiday deegaano hor leh.

Boqolaal Ciidamada Ethiopian-ka ah oo wata Dabaabadaha Dagaalka, oo aan la ogeyn halka ay ka soo galeen, iyo kooxaha kacdoonka wada ee hubka qaatay ayaa xilligan Dagaalo kulul waxa ay ku dhexmarayaan Wadad dheer ee Ex-ctrol Balcad, sida ay wararku xaqiijinayaan.

Dagaalka ayaa waxaa la isku adeegsanayaa Madaafiicdii ugu xooganeyd iyo rasaasta nuucyadeeda kala duwan, iyadoona khasaaraha Dagaalku uu yahay mid sii laba-lixaadsanaya daqiiqad kasta.

Xaafadaha ku dhow dhow aagaga sida daran loogu dagaalamayo ayaa waxaa ka baxaya Holac iyo qiic aad u fara badan, ka dib Madaafiic dhowr ah oo aan kala joogsi laheyn oo goobadahaasi lagu garaacayo.

Wixii Soo Kordha Daqiiqad Kasta Kala Soco