Kadib markii ay qaraxyada ku bateen Magaalada Muqdisho ayaa waxaa ay bilaabeen Ciidamada Dowladda Itoobiya iyo kuwa Dowladda Federaalka in ay soo dhex dagaan qeybo kamid ah Gudaha Caasimada Muqdisho.

Ciidamo aad u fara badan oo Itoobiyaan ah ayaa soo dagay Isbitalka Digfeer ee magaalada Muqdisho, xilli ay soo badanayaan weerarada madaafiicda ah ee lala beegsanayo goobaha dowladda iyo dadka rayidka ah ay kusugan yihiin.

Waxaa degan xaruntii Maanta ay soo dageen Ciidamada Itoobiyaanka ee Isbitalka Digfeer Dad iyagu horey uga soo barakacay qeybo kamid ah Gobolada Dalka.

Ciidamada Itoobiyaanka ayaa durba ka galay halkaasi difaac xoogan, waxayna sidoo kale iskula qeybiyeen xaafadaha kudhaw Isbitalka Digfeer iyagoo lagu arkayo luuq waliba, waxaana halkaasi ay u soo dageen si ay wax uga qabtaan Ammaanka Xaafadaha Muqdisho qaarkood.