Dowlada KMG ee Soomaliya oo ayiday qorshaha ay Puntland ku sameysaneyso calan u gaar ah.

Dowlada KMG ah ayaa ka hadashay hadal dhawaan ka soo baxay maamul goboleedka Puntland oo ay ku sheegeen inay sameysanayaan calan iyaga u gaar ah iyo astaan lagu yaqaano maamulka Puntland.

Wasiirka dastuurka iyo arimaha federaalka C/raxmaan Nuunow Maxamed ayaa u sheegay mid ka mid ah idaacada Muqdisho in dowlada ay ayideyso in puntland ay sameysato calan u gaar ah iyo astaan iyada lagu yaqaano.

Wasiirka ayaa intaa ku daray in dastuurka dowladu ku dhisan tahay uu Puntland xaq u siinayo inay sameysato calan iyada u gaar ah iyo astaanta Puntland madaama buu yiri ay dowladu tahay dowlada federaal ah oo maamul goboleedyo ay ka farcamaan.

Lakiin waxa uu meesha ka saaray in laga tago calanka Soomaliya kaasoo uu sheegay inuu yahay mid ka ay hoos yimaada maamul goboleedyada isagana loo noqonayo.

Arimahan ayaa soo baxaya xilli Maamulka goboleedka Puntland ay sheegene inay sameysanayaan calan iyaga u gaar ah taasoo aan la ogeyn waxa ay keeni karto iyo talaabada xigta ee laga sugayo maamulka faroole ee Punland.

Waxaa hore u jiray qilaaf xoogan oo u dhaxeeyay dowlada federaalka iyo Maamulka Puntland kaasoo ay isku qabteeen arimo dhowr ah oo ay ka mid aheyd Puntland oo dooneysa in loogu yeero dowlada Puntland halkii laga oran lahaa Maamul goboleedka Puntland iyo arimo kaleba