Mudane Zakariye Mohamud oo ka codsaday Isbahaysiga dib xoreynta Soomaaliya inuu ku soo biiro kadib markii uu arkay guulaha siyaasadeed ay gaareen.

Dubai 15/01/2009. Warar rasmi ah oo maanta ka helnay magaalooyinka Dubai iyo Jabuuti ayaa sheegaya inuu xiriir la soo sameeyay mudane Zakariye Mohamud Xaaji Abdi madaxda Isbahaysiga dib u xoreynta Soomaaliya, isagoo ka codsaday inay iska cafiyaan isla markaana uu dib ula midoobo, balse madaxda Isbahaysiga ayaa u sheegay in marka hore Zakariye uu ka hadlo ideecadaha islamarkaana uu cadeeyo inuu ku qaldanaa waxyaabihii uu ka sii dayn jirey ideecadaha wixii ka dambeeyay khilaafka isbahaysiga dib u xoreynta Soomaaliya.

 Mudane Zakariye ayaa maanta ka hadlay ideecada Shabelle ee magaalada Muqdisho isla markaana shaaciyay in wada hadal u socdo isbahaysiga dib u xoreynta Soomaaliya balse ka dhigay in labo garab wada hadlayaan.
kooxda Casmara oo markiiba hore ka koobnaa shaqsiyaad xagjirnimo qabiil ku darsaday iyo kuwa naq raac ah ayaa moodaa in waa ku baryay kadib markii horeba aysan ku xisaabtamin sida ay noqonayaan mustaqbalkooda siyaasadeed hadii ay ka hor yimaadaan madaxdooda iyo jidka nabad raadinta xalka Soomaaliya.
Madaxda Isbahaysiga dib u xoreynta Soomaaliya iyo inta badan xubnaha golaha dhaxe ee ururka ayaa markii horeba aaminsanaa in xabadana la wado isla markaana caalamka lagala hadlo sidii ciidamada Ethopia dalka haysta looga saari lahaa, taas oo aan maanta hayno guushii  ama ka mira dhalintii hadafkooda, balse waxaa  la isku dayay in halganka dib  u xoreynta loo weeciyo loo afduubo shaqsiyaad iyo dowlada Eritareeya iska dhaadhicisay in xalkeedu yahay in ciidamada Ethopia dalka Soomaaliya kaga mashquulaan.
Wakiilka xoghayaha guud ee Qaramada Midoobay Soomaaliya mudane Ahmed Wallad Abdalla ayaa ka hadlay ka bixitaanka ciidamada Ethopia ee Soomaaliya isla markaana soo dhaweeyay arinkaas balse yiri hada waxay taalaa kubada dhan ka Soomaaliya waa inay dalkooda u tashadaan madaama ay ku doodi jireen waxaan hubka u sidanaa ciidamada Ethopia ee dalkeena qabsaday, waxana uu hadalkiisa sii raaciyay waa in la joojiyaa dilka micna darada ah ee sii socda.
kooxda Casmara ayaa waxaa la soo gudboonaday guuldaro siyaasadeed iyo mid ciidanba kadib markii shacabka Soomaaliyeed ay ka soo horjeesteen siyaasadahooda ku dhisan qarbudaada, taas oo sababtey in mudanayaasha kala ah Zakariye Mohamud Xaaji Cabdi iyo Jama Ali Jama inay ka codsadaan inay dib ula midooban Isbahaysiga dib u xoreynta Soomaaliya si ay u helaan xubin xildhibaanimo ah.

Hasayeshee waxaan la ogayn sida ay ka yeeli doonaan madaxda Isbahaysiga dib u xoreynta Soomaaliya dalabkooda madaama ay hore u khilaafeen sharcigii u degsanaa ururka kadib markii ay isku magacaabeen xilal beenaadyo ayna burush wasaqaysan la daba taagnaayeen mira ka dhalinta hadafka muqaawamada dalka  gudaha iyo dibadaba.
Wixii ka soo baxa gadaal ayaan idinkaga soo qori doonaa hadii Eebe idmo halka u gaaro firxadka kooxda Casmara.