Culimada Yamen oo shaaca ka qaaday in ay jihaad ku dhawaaqayaan hadii... Daawo Sawirada

Culimada dalka Yamen ayaa daboolka ka qaaday in shacabka reer Yamen ay ugu baaqayaan Jihaad hadii dalkaasi uu la kulmo fara gilin dibadeed ama weerar dibada kaga yimaada .

Qoraal ay saxiixeen 150-wadaado diimeed reer Yamen ah oo uu ugu caansan yahay wadaad diimeedka Cabadi Al-majiid Al-Zanda`ii ayaa lagu sheegay in jihaadka uu noqon doono mid wajib ku noqon doono guud ahaan muslimiinta iyo dadka Yamen haddii dalkaasi weerar dibada ama fara gilin dibada la kulmo.

Qoraalka baaqaasi oo uu saxafiiyinta ka hor aqriyay wadaadka ku jira baarlamaanka dalkasi Sheekh Caarif Al-sabri ayaa lagu shegay in culimada Yamen ay si weyn uga so horjeedaan in arimaha Yamen ku lug lahaadaan dalal ajnabi iyo in wax hishiis iskaashi milateri Yamen la gasho dal dibada ah.

Waxa loogu baaqay guud ahaan muslimiinta aduunka iyo urarada islaamiga in ay taageeraan dadka Yamen isna bar bar taagaan mowqifka ay ka qaateen shirqoolada dibada ka imaanaya ee loogu soo hoos gambanayo waxa loogu yeeray la dagaalanka argagaxisada.

Waxa xusid mudan in wadaada saxiixay baaqaan ay guud ahaan matalayaan gobolada dalkaasi ka kooban yahay , waxaana ku jira Al-zandaa`ii oo Mareykan ay si weyn u doonayaan.

Arintaan ayaa baxeysa xilli warbaahinta ay si weyn u hadal haysay in laga yaabo in dagaalka argagxisada Mareykanka kula jiro in uu gaaro dhulka Yeman .