4 qof oo ku geeriyootay dagaal ka dhacay Duleedka Muqdisho..

Dagaal xoogan ayaa maanta barqadii ka dhacay inta u dhaxeysa kuliyadda Jaalle Siyaad iyo warshaddii Kabka ee magaalada Muqdisho. Dagaalkan ayaa wuxuu ka tagay qasaare dhimasho iyo dhaawac.

Waxaa ku geeriyooday afar qof ilaa toban kalena waa ay ku dhaawacmeen.

Wariye ku sugnaa agagaaraha aagaga dagaalka uu ka socday ayaa wuxuu sheegay inuu arkay dadka ku geeriyooday rasaastii la'is weedaarsanayay; waxaana halkaasi laga qaaday dhowr qofood oo dhaawacyo ah.

Dagaalkan ayaa wuxuu ka dambeeyay ka dib markii weerar lagu qaaday kuliyadda Jalle Siyaad oo ay degan yihiin ciidamad AMSIOM.

Weerarkan ka dib ayaa waxaa la maqlayay noocyo kala duwan oo hubka ah oo ay isku adeegsanayeen askarta AMISOM iyo kuwo dowladd aKMG ah oo isku dhinac ah iyo xoogagii weerarka ku qaaday kuliyadda Jalle Siyaad.

Xaaladda ayaa caadi ku soo laabatay dhowr daqiiqo ka dib markii ay istaagtay rasaasta, waxaana intii ay socotay saameyn ku yeelatay isku socodka caadiga oo markii dambe dib u bilawday.