Siyaasiyiin , waxgarad , iyo ganacsato ka soo jeeda beesha Waceysle/Mudulood oo kulan xasaasi ah ku yeeshay magaalada Nairobi ee dalka Kenya.

Shir ay ka qaybgale ku dhawaad 1oo xubnood oo isugu jira xildhibaano siyaasiin, ganacsato, culumaa`udiin, haween, iyo dhalinyaro ka soo jeeda beesha wacaysle oo ka mid ah beelaha mudulood oo maanta ka dhacay Nairobi aayaa waxa looga hadlay marxaladaha siyaasad ee haatan dalku ku jiro xaaladaha dagaal.iyo mideenta beesha wacaysle.

Muusa Daamay oo ugu horeen ka hadlay kulankaasi ayaa sheegay in ujeedadu tahay in la mideeyo dhamaan qaybaha beesha si wada jir loo wajaho dhibaatooyinka ka taagan deegaanada beesha.

Abukar Siney dhiblawe oo asna kulankaasi ka hadlay ayaa mahadnaq balaaran u soo jeediyay dhalinyarada ganacsada ah ee soo qabanqaabiyay kulankaasi.

Xildhibaan C/laahi Geedi shadoor oo kulankaasi  ka hadlay ayaa waxa uu xubnihii ka qaybgalay shirkaasi u faahfaahiyay siyaasada dawlada iyo mawqifkiisa ku aadan difaacida deegaanada beesha asagoo xusay in uu ku faraxsan yahay dadaalada iyo kulanada ay wadaan
ganacsatada, gaar ahaan dhalinyarada ka ganacsato Nairobi.

"Ha raacin kuwa doonayo in ay dilaan inta waxtarka leh islamarkaana dalkiina idin ka soo eryaday,qof muslim ah hadii uu dhinto waxaa waajibku yahay in inta ka agdhaw ay aasaan, ee bal arka  waxaa dhacay, waxa yimid kuwa soo qodaya lafihii waalidkeenna iyo mashaa`iikhdii faafinta diinka taarikhda ku lahaa" sidaasi waxa yiri xildhibaan shadoor oo ka qeyb galayaashii waceysle ay hadaladiisa si fiican ula dhaceen.

Xildhibaanku waxuu ku nuux-nuuxsaday in beesha kaalin muhiim ah looga baahan yahay ka qeyb qaadashada dadaalada socda ee lagu xuryenayo dalka. 

Shiikh Cusmaan shiikh Cumar oo ka mida caalimiinta  dalka soomaaliya iyo Xasanley M.joqof, ayaa hadal  wacdi iyo duco ah u jeediyay ka qayagalayaasha, wuxuuna sheegay in waajib diini ah ay tahay in aad iska dhiciso lana dagaalanto cidii kugu soo weerarto gurigaaga. 
Sheekh Xidig waxa uu faray beesha in ay xarigga illaahay wada qabsadaan.