Cali Ameeriko iyo Cali Geedi oo la xalinayo khilaaf so kala dhaxgalay oo salka ku haya fiisayaal safaarada Talyaaniga laga helay.

Hotelka Chaster ee magaalada Nairobi waxaa maanta ka furmaya kulan lagu heshiisinayo  Ra'isal wasaarihii hore ee Soomaliya Cali Geedi iyo safiirka Kenya u fadhiya Somaliya Amp:Max'ed Cali Ameerika.

Khilaafka Geedi iyo Ameeriko oo ay u sara istaageen xalintiisa odayaal beeledyo waxaa uu salka ku hayaa fiisayaal ama dal ku-gallo laga helay wadanka Talyaaniga oo markii hore labadooda si wadajir ah loogu oggolaaday, oo uu si gaar ah u lunsaday Mr.Ameeriko.

Kulankan heshiisinta oo ay soo diyaariyeen odayaal beeled ka soo jeeda beesha Mudulood, ayaa loogu talagalay in lagu dhameeyo madmadow soo kala dhaxgalay Geedi iyo Ameeriko oo saaxibo ku ahaa fiisayaasha safaarada Talyaaniga.

Mr. Ameerico ayaa sheegay inuu ku soo celinayo gacanta Cali Geddi dhowr iyo toban Fiiso, wuxuuna codsaday inuu Cali Sidaasi ku qanco, leyskana cafiyo wixii hore u dhex maray, tallabadaasi oo Cali Geedi uu u dhega raariciyey.

Ameeriko waxaa xilka safiirnimo u magacaabay Cali Geedi xiligii uu ahaa Ra'isal wasaaraha , waxaana lagu xantaa Geedi  inuu si dadban u maamuli jiray hawlaha safaarada, kahor intii Mr. Ameerico aanu yeelan Madax cusub oo ah dowladda Sheekh Shariif.