Ugaas Maxamed-weli oo ugu baaqay maamulada Puntland Iyo Somaliland inay joojiyaan dadka shacabka ah ee ay u gacan gelinayaan xukuumada Itoobiya

Ugaaska beesha sadde mareexaan ahna Afhayeenka salaadiinta beelaha daarood Ugaas Maxamed Weli sh,axmed Nuur ayaa maanta baaq ku wajahan xaalada dalku marayo kasoo saaray magaalada caasimada ee muqdisho.

Baaqa Ugaaska oo uu saldhig uga dhigay xaalada dalku marayo islamrkaana uu shaaca ka qaaday in loo baahan yahay inay umadu daneheeda ka tashadaan si ay uga baxaan dhibka 19-jirsaday isagoo si wadajir ah ugu Baaqay mujaahidinta dagaalka kula jira dowlada iyo AMISOM iyo sahacabka soomaaliyeed ayaa waxuu kazoo saaray qodobadan .

1- M mujaahidiinta waxaan ugu baaqayaa inay mideeyaan Cimigooda ,caqligooda ,maalkooda iyo Muruqooda si looga baxo ayuu yiri mushkilada 19-jirsatay loona badbaadiyo dalka,dadka iyo Diinta .

2- shacabka soomaaliyeed ee muslimiinta ah waxaan ugu baaqayaa inaysan cadaalada iskana daayaan simitaanka ay simayaan ciidamada cadowga iyo mujaahdiinta ,waxyaabaha layaabka ah waxaa kamid ah iyadoo la leeyahay mujaahidiinta iyagaa weeraray cadowga soo duuley taasina waxay marag madoonto u tahay inay mujaahidiintu soo duulin ee ay soo duuleen ciidamada cadowga ayuu yiri islamrkaana ay garab istaagaan

3- sidoo kale waxaan baaq u dirayaa dhamaan qabaa,ilada soomaaliyeed gaar ahaan culumaa,udiinka ,odayaasha dhaqanka ,aqoonyahanada ,waxagaradka iyo dhalinyarada soomaaliyeed inay ogaadaan inaysan gobolo lakala leeyahay oo sidoo kale ay isha ku hayaan inaysan jirin dowlad soomaaliyeed oo iminka metesha masiirka umada ,sidaa darteed waa in dadka muslimiinta ah ee soomaaliyeed laga joojiyaa dilka macno darada ah,Garaacista ,dhaca ,Gaalo u gacan gelinta ,iyo tarxiilka waana wax ay taariikhdu xusi doonto waxaan qabaa,ilaadka soomaaliyeed leeyahay waa inay ka qayb qaataan dagaalada lagula jiro cadowga si dalka looga saaro kuwa nagu soo duuley .

Ugu dambayntii Ugaaska ayaa cambaareeyey maamulka puntland iyo Somaliland islamarkaana sheegay inuu ugu baaqayo Maamuladaasi inay joojiyaan dadka shacabka ah ee ay u dhiibayaan cadowga Ethiopia ,iyo weliba kuwa ay xabsiga ku gurayaan ,isagoo intaasi raaciyey in laga fiirsado hadalka tilmaamaya ee ah in ay naga baxaan umada soomaaliyeed ee degta koonfurta soomaaliya oo ay dhowaan sheegaan maamulka puntland taasina ay keeni karto ayuu yiri nacayb qabiil .