Mas'uul katirsan Golaha Dhaqanka Hawiye oo lagu dilay magaalada Muqdisho.
Mid kamid ah mas'uuliyiinta Odayaasha Golaha Dhaqanka Beelaha Hawiye ayaa kooxa hubaysan waxa ay dil ugu geysteen isgoyska Siinaay ee degmada Wardhiiglay magaalada Muqdisho.
Nabadoon Cali Axmed Cirro ayaa waxaa dilkiisa fuliyey kooxo hubaysan oo markii ay dileen goobta ka baxsaday, waxaana nabadoonku uu u geeriyoday dhaawac ka soo gaaray tacshiirad ay kooxaha hubaysan huwiyeen.
Mas'uulkaan katirsanaa Odayaasha Dhaqanka Beelaha Hawiye ayaa dilkiisa waxaa warar soo baxaya ay sheegayaan inuu salka ku hayo arrimo la xiriira aano qabiil.
Qeybaha bulshada magaalada Muqdisho ayaa si kulul u cambaareyey dilka nabadoon Cali Axmed Cirro oo kamid ahaa xubnaha ugu cadcad ee Odayaasha Golaha Dhaqanka Beelaha Hawiye.
Si kastaba ha ahaatee dilka mas'uulkaan katirsanaa Odayaaha Dhaqanka Beelaha Hawiye loogu geystay magaalada Muqdisho ayaa qeyb ka ah dilal magaalada Muqdisho loogu geysto dadka wax galka u ah bulshada Soomaaliyeed.
del.icio.us |
Digg
Comments (2 posted):
Post your comment