Dowladda Somalia oo soo dhaweysay in ciidamada AMISOM Weeraro ku qaadaan xoogagga Muqaawamada.
Dowladda KMG ah ayaa si weyn u soo dhaweysay awood kordhinta ciidanka AMISOM gaar ahaan kuwa kasocda dalka Ugandha oo ah inay weerari karaan goobaha ay magaalada Muqdisho kaga sugan yihiin xoogagga dowladda kahorjeeda.
Wasiirka Amaanka Qaranka dowladda KMG ah C/laahi Maxamed Cali Sandaloolshe ayaa warbaahinta yu sheegay inay dowladdu la dhacsan tahay in ciidamada AMISOM isku badalaan nabad dhaliyaal.
Wuxu sheegay inay xiligaan muhiim tahay awoodda dheeriga ah ee la siiyey ciidamada AMISOM ee ka socda dalka Ugandha, waxaana uu sheegay inay wax badan ka qaban doonaan dhinaca amaanka sida uu ku andacooday.
"Dowladda KMG ah si weyn bay u soo dhaweynaysaa hadalkii ka so yeeray wasiirka gaashaandhigga dowladda Ugandha ee ahaa inay ciidamada Ugandha weerari karaan xoogagga dowladda kahorjeeda" ayuu yiri C/laahi Maxamed Cali Sandaloolshe.
Wuxuu dhinaca kale wasiirka amaanka Qaranka dowladda KMG ah ka gaabsaday inuu ka hadlo wararka sheegaya in ciidamo kasocda dalalka Nay jeeriya, Jabuuti iyo Siiraliyoon ay soo gaareen magaalada Muqdisho.
Si kastaba ha ahaatee shalay ayey aheyd markii dowladda Ugandha ay si rasmi ah ugu dhawaaqday in ciidamada Ugandha ee qeybta ah ah AMISOM loo fasaxay inay weeraraan goobaha ay magaalada Muqdisho ka joogaan xoogagga dowladda lahorjeeda.
del.icio.us |
Digg
Comments (1 posted):
Post your comment