Hogaamiya mucaareadka dalka Ugandha oo ku baaqay in si dhaqso ah Somalia looga soo saaro ciidamada Ugandha.
Mucaaradka dalka Ugandha ayaa ku baaqay in ciidamada Ugandha si dhaqsi ah laga soo saaro gudaha dalka Somalia kadib markii ay sheegeen in cidiamada ay weeraro joogta ah kala kulmayaan mucaaradka dagaalka kala horjeeda dowladda KMG ah.
Hogaamiya mucaareadka dalka Ugandha Dr. Kissa Baseng ayaa warbaahinta u sheegay inay muhiim tahay in ciidamada Ugandha laga soo daad gureeyo gudaha dalka Somalia, isagoona sheegay inay u muuqdan nabad ay ciidamada Ugandha iyo kuwa Brundi ka dhaliyaan dalka Somalia.
"Ii Ma muuqanayo wax horumar ah oo ciidamadu ay ka soo hoynayaan difaacidda dowladda KMG ah oo aan taageero ka heysan shacabka Soomaalida" ayuu yiri Dr. Kissa Baeng.
Wuxuu ku baaqay inaan dalka Somalia loo dirin ciidamo cusub oo ka socda dalka Ugandha isagoona codsaday in dib loo soo celiyo kuwii hore oo uu sheegay in looga baahan yahay dalkooda si ay amaanka iyo xasiloonida uga qeyb qaataan.
Si kastaba ha ahaatee dowladda Ugandha ayaa dhawaan sheegtay inay ciidamo dheeri ah u soo dirayso dalka Somalia si ay taageero u siiyaan dowladda KMG ah oo dagaallo kala kulmayso xoogagga kahorjeeda.
del.icio.us |
Digg
Comments (4 posted):
Post your comment