Baaq Ka Soo Baxay Uurka Saxafiyiinta Xorta ah ee GIJA

Shirkaas Jaraa'id ayaa waxa ka soo qayb galay mas’uuliyiin badan oo katirsan qeybaha bulshada rayidka iyo warayayaasha ka howlgala gobolka oo tiradooda ay kor u dhaafayso ilaa 20 suxufi, waxaana ay dhamaantood ay u muuqanayeen kuwo midaysan, kuna midoobay afkaaraha kale duwan oo ay u soo gudbiyaan walaalahooda.

Mar uu ka hadlay goobta Guddoomiyaha Ururka Suxufiyiinta Xorta ah ee Gedo Cali Cabdi Cilmi ayaa waxaa uu sheegay inshirkaasi jaraa'id ay qabteen kaddib markii ay la kulmeen caqabado iyo hanjabaadyo ku aadan howlmaalmeedkooda.waxaana uu tilmaamay in suxufiyiinta ay cabsidaasi la soo daristay darteed ay waayeen illo wareedyo ay wararka ka soo xigtaan.

Inkastoo uusan Guddoomiyuhu carab baabin cid gooni ah oo ka dambaysa caqabadahaasi ayaa waxa uu haddana farta ku fiiqay in arrimahaasi ay yimaadeen kaddib markii ay sare u kaceen abaabuladda ciidan ee kooxo siyaasad ahaan isdiidan ee ka jira waddan Soomaaliya.

Ugu dambayn baaq ay halkaasi ka soo sareen Ururka Suxufiyiinta Xorta Ah ee Gedo (GIJA) ayay baaq nabadeed u soo jeediyeen dhinacyada isku haya siyaasadaha waddanka soomaaliya,iyaga oo ugu baaqay in ay shacabkooda u turaan si loo helo hanaan midnimo qaran.waxaana Ururku uu ka codsay soomaalida iyo dhinacyada dirirtu ay ka dhaxayso inay bari-istaagaan, kalsoonina u muujiyaan walaalahooda suxufiyiinta ah oo doortay in ay wararka ka soo tabiyaan dal burburay oo ah sida Soomaaliya.

Hanjabaadyo,Dilal Iyo Caqabado shaqo ayaa la soo daristay halkii suxufi ee kamid ah 3- suxufi oo maanta ku dhaqan wadanka Soomaaliya .waxaana ay taasi soomaaliya ka dhigtay waddanka ugu dilalka iyo halista badan ee suxufiyiinta caalamka oo dhan.